भारतीय मोटरसाइकल उत्पादक कम्पनी हिरो मोटो कर्पले एकै महिना १२ लाख ८४ हजार यूनिट मोटरसाइकल बिक्री गरेर नयाँ रेकर्ड बनाएको भारतीय अटो मिडिया गाडीवाडी डटकमले उल्लेख गरेको छ ।
कम्पनीले अक्टोबर महिनामा उक्त संख्यामा मोटरसाइकल तथा स्कुटर बिक्री गरेको हो । जुन कम्पनीको इतिहासमै पहिलो पटक पुगेको उक्त मिडियाले दाबी गरेको छ ।
निकै निरासाजनक अवस्थाबाट गुज्रिएको भारतीय अटो बजार दिपावलीको समयमा निकै बुम हुन पुगेको हो । यसको प्रत्यक्ष फाइदा हिरो मोटो कर्प र मारुती सुजुकीले लिएको रिपोर्टहरु बाहिर आएका छन् ।
हिरोले बिक्री गरेको मोटरसाइकलमा एचएफ डिलक्स, स्प्लेन्डरका विभिन्न सिरिज, मेष्ट्रो, डेष्टीनी र प्लेजर स्कुटरको साथै एक्सपल्स सिरिज र एक्ट्रीम सिरिज रहेका छन् ।
