काठमाडौं । होन्डालागि नेपालको आधिकारीक वितरक स्याकार कम्पनीले होन्डाको बहुचर्चित सेडान कार अमेज सार्वजनिक गरेको छ ।
यो होन्डाको सेकेन्ड जेनेरेशन अमेज हो । यसलाई कम्पनीले केही महिना अगाडि भारतीय बजारमा सार्वजनिक गरेको थियो । यही कारको कारण होन्डाले भारतीय बजारमा चौथो स्थान लिन सफल भएको छ ।
पुरानो अमेजभन्दा नयाँ अमेजमा धेरै फिचरहरु प्रिमियम र नयाँ लगाइएको छ । साथै, कम्पनीले यसको डिजाइनमा समेत फरक लुक्स दिएको छ ।
डिटेल स्पेशिफिकेशन हेर्न यहाँ क्लिक गर्नुस्
भारतीय बजारमा होन्डाले अमेजलाई ४ ट्रिम लेवल र १२ भेरिएन्टमा सार्वजनिक गरेको भएपनि नेपाली बजारमा अहिले एउटा मात्रै भेरिएन्ट सार्वजनिक गरिएको छ ।
कम्पनीले एसएमटी मोडलमात्र नेपाली बजारमा अहिले ल्याएको छ । यसको मूल्य ३५ लाख ६५ हजार रुपैयाँ तोकिएको छ ।
इन्जिन र क्षमता
नयाँ जेनेरेशन अमेजमा केही मेकानिकल परिर्वतन गरिएको छैन । यसमा १.२ लिटर पेट्रोल इन्जिन इन्जिन रहेको छ । १.२ लिटर पेट्रोल इन्जिनले ८९ बीएचपी पावर र ११० एनएम टर्क उत्पादन गर्छ । कारमा ५ स्पिड म्यानुयल ट्रान्समिसन गियर बक्स दिइएको छ ।
डिजाइन र फिचर
होन्डा अकर्डको १० औं जेनेरेशनको डिजाइनबाट प्रेरित यो कार पुरानो अमेजभन्दा निकै स्टाइलिस देखिएको छ । यसको इ भेरिएन्टमा क्रोम ग्रिल, डुअल टोन इन्टेरिएर थीम र पियानो ब्ल्याक कन्सोल लगाइएको छ ।
होन्डा अमेज एस एमटी भेरिएन्टमा इलेक्ट्रीक एडजस्टेवल र फोल्डेवल एलइडी टर्न इन्डिकेटर दिइएको छ । साथै, सार्क फिन एन्टीना र बडी कलर हैन्डल दिइएको छ । यसका अलावा किलेस इन्ट्री, अडियो कन्ट्रोल, टिल्ट स्टेरिङ, ४ स्पिकरको साथ २ डीन अडियो सिस्टम र ड्राइभर एडजस्टेवल सिट दिइएको छ ।
सुरक्षा
सुरक्षाको हिसावले यो कारमा कम्पनीले २ एयरब्याग, एबीएस, इबीडी, ब्रेक असिस्ट, चाइल्ड सिटट, रिर्भस पार्किङ सिस्टमदिइएको छ ।
माइलेज
माइलेजको हिसावले कारलाई होन्डाले निकै किफायती बनाएको छ । यसको पेट्रोल इन्जिन कारले १९.५ किलोमिटर प्रतिलिटर माइलेज दिने छ ।
