काठमाडौं । टोयोटाको पुनः डिजाइन गरिएको कोरोला ह्याचब्याक मोडल आउने भएको छ ।
केही युरोपियन बजारमा यसअघिदेखि नै बिक्री वितरण भइरहेको कोरोलाको ह्याचब्याक कार अब विश्वका प्रायः सबै बजारमा पाइने छ । कोरोला कार विश्वमै सबैभन्दा बढी बिक्री भएको कार हो ।
कम्पनीले तीन वटा भेरियन्टमा गाडी सार्वजनिक गर्न लागेको हो । जसको मुल्य २० हजार डलर देखि २५ हजारसम्म पर्ने कम्पनीले जनाएको छ ।
गाडीको सुरुवाती भेरियन्टको मुल्य २० हजार ९ सय १० डलर पर्ने जनाएको छ । सन् २०१९ मा विश्वभर बिक्री गर्ने लक्ष्य राखिएको उक्त मोडल ६ स्पिड मेनुअल ट्रान्समिसन, लिड हेडलाइट, ८ इन्च टचस्क्रिन, एप्पल कार प्ले, अलो ह्विल्स रहेको कम्पनीले शुक्रवार प्रेश वक्तव्य मार्फत जनाकारी दिएको छ ।
माइलेज प्रतिलिटर तेलले शहरी क्षेत्रमा २८ किलोमिटर दिन्छ भने हाइवे मा ३१ किलोमिर दिनेसमेत कम्पनीले दावी गरेको छ ।
गाडीको एसई मोडलको मुल्य भने २२ हजार १० डलर पर्ने कम्पनीले जनाएको छ । गाडीको माइलेज ३२ किलोमिटर शहरमा र हाइवेमा ४२ किलोमिटर दिने दावीसमेत गरेको छ । त्यस्तै कम्पनीले एक्सएसई मोडलसमेत ल्याउने छ ।
उक्त मोडलको मुल्य २५ हजार १० डलर सम्म पर्ने कम्पनीले जनाएको छ । गाडीको माइलेज ३० किलोमिटर शहरमा र ३८ किलोमिटर हाइवे मा दिने कम्पनीको दावी छ । उक्त मोडलको १८ इन्च मोटो ह्विल, एलइडी हेडलाइट लगायत सवै सुविधा गाडीमा रहेको छ ।
गाडीका सवै मोडलमा सुरक्षा सेन्सर जडान गरिएको छ । अटोमेटिक ब्रेकिङ सिष्टम, फ्युल डाइनामिक राडार कन्ट्रोलजस्ता सुविधा यस कारमा रहेका छन् ।