काठमाडाैं । सुजुकी टु ह्वीर्लसको स्कुटर सेग्मेन्टमा नयाँ वर्गम्यान स्ट्रिट थपिने भएको छ । कम्पनीले यसलाई आगामी महिना भारतीय बजारमा सार्वजनिक गर्ने तयारी गरेको भारतीय मिडियाहरूले उल्लेख गरेका छन् ।
नयाँ वर्गम्यान स्ट्रीट सुजुकीको हालसम्मकै सर्वाधिक स्टाइलिस स्कुटर हुने कम्पनीको दाबी रहेको छ ।
दिल्ली मोटर शोमा शाेकेस गरिएको यो स्कुटर निकै स्टाइलिस र स्पोर्टी स्कुटरको सेग्मेन्टमा पर्नेछ । यसकाे नेपाली बजारमा मूल्य करिब २ लाख पर्ने अनुमान गर्न सकिन्छ ।
यसमा १२५ सीसीको सिङ्गल सिलिन्डर एसओएचसी, फोर स्ट्रोक इञ्जिन रहेको यो स्कुटरको इञ्जिनले १० बीएचपीको पावर उत्पादन गर्नेछ । १२५ सीसीको क्षमताको अटोमेटिक सुजुकी वर्गम्यान स्ट्रीट म्याक्सी स्कुटर हो ।
म्याक्सी स्कुटर एक प्रकारको टुरिङ स्कुटर हो, जसले हावाबाट चालकलाई बचाउँछ । त्यसको लागि स्कुटरको अघिल्लो भागमा विशेष प्रकारको डिजाइन गरिएको हुन्छ र सामान्य स्कुटरभन्दा बढी आरामदायी हुन्छ ।
यसअघि भारतीय बजारमा १६५ सीसीको काइनेटिक ब्लेजलाई म्याक्सी स्कुटरको रुपमा ल्याइएको थियो तर, पछि यसको उत्पादन नै बन्द भएको थियो ।
नेपाली बजारमा सुजुकी टु ह्वीलरकाे बिक्री वितरणा सुजुकी भिजीले गर्दै अाएकाे छ ।
