काठमाडौं । केटीएम इन्टरनेशनले नेपाली बजारमा नयाँ भर्सन बेनेली टीआरके २५१ सार्वजनिक गरेको छ । कम्पनीले नेपाली बजारमा भित्र्याएको टीआर २५१ यूरो ५ मापदण्डको हो ।
टीआरके २५१ एड्भेन्चर मोटरसाइकल रहेको छ । यसमा २४९ सीसी सिंगल सिलिन्डर, ४ भल्भ, लिक्वीड कुल्ड इन्जिन रहेको छ । यसले ९२५० आरपीएममा २५.४७ बीएच पावर तथा ८००० आरपीएममा २१.२ एनएम टर्क जेनेरेट गर्छ । यसमा ६ स्पीडको गियरबक्स जडान गरिएको छ ।
यो मोटरसाइकलमा एड्भेन्चर मोटरसाइकल सुहाउँदो २०० एमएमको ग्राउण्ड क्लियरेन्स दिइएको छ । त्यस्तै अनरोड तथा अफरोड दुबैका लागि एडजष्ट गर्न सकिने सस्पेन्सन सेटअप दिइएको छ ।
सुरक्षा फिचरका लागि यसमा डबल च्यानल एबीएस उपलब्ध रहेको छ । टीआरके २५१ को मूल्य ८ लाख २४ हजार ९०० रुपैयाँ निर्धारण गरेको छ । यस अघि नेपाली बजारमा उपलब्ध टीआरके २५१ को मूल्य ३६ हजार रुपैयाँले वृद्धि भएको हो ।
यो मोटरसाइकलले केटीएम एड्भेन्चर २५० सँग प्र्रतिस्पर्धा गर्नेछ । केटीएम २५० एड्भेन्चरको मूल्य ८ लाख १९ हजार रुपैयाँ रहेको छ ।
