फिलिपीन्स एयरलायन्सको फ्लाईट अटेन्डेन्ट पट्रिसा आर्गानोले गत मंगलबार फ्लाईटमा आफ्नो डियुटीभन्दा माथि रहेर काम गरेको भन्दै उनको उक्त कार्य अन्तर्राष्ट्रिय मिडियादेखि सोसल मिडियासम्म भाइरल भईरहेको छ ।
फ्लाईटको क्रममा उनले एउटा सानो बच्चा रोयको आवाज सुनिन् । एक वर्षकको बच्चाकी आमा ओर्गानोलाई बच्चा रुनुको कारण पत्ता लगाउन त्यति गाह्रो भएन । उनि तत्काल बच्चा रोइरहेको सिटमा गएर बच्चाकी आमालाई सोधिन्, के म केही सहयोग गर्न सक्छु ?
बच्चाकी आमा दुखित हुँदै भनिन् ‘मेरो बच्चा भोक लागेर राेएको हो, म बच्चालाई स्थनपान पनि गराउन सक्दिन र मसँग बच्चालाई खुवाउने अन्य खाना पनि छैन ।’
आर्गानोलाई समेत उनको कुराले थप समस्यामा पार्यो, उनिसँग प्लेनमा बच्चालाई खुवाउने दुध थिएन र बच्चा एकनाससँग भोकले रोइरहेको थियो ।
आर्गानोको मातृत्व जागेर आयो र उनले तत्काल आफ्नो सिनीयरलाई भनिन् म उक्त बच्चालाई स्थनपान गराउन चाहन्छु ।
उनलाई तत्काल स्थनपान गराउने स्विकृती दिइयो । फ्लाईट क्रुको अफरले राईरहेको बच्चाकी आमा हर्सित भईन ।
तत्काल जहाजका अन्य क्रुमेम्बरहरुले बच्चा र आमालाई ग्यालेमा पुर्याय । उनले बच्चालाई आफ्नो स्थनपान गराइन् ।
‘मैले त्यतीबेला बच्चाको आमाको आखाँमा अनौठो खुसी देखेको थिए’ उनले आफ्नो फेसबुकमा लेखेकी छिन् ।
उनले बच्चा ननिदाएसम्म निरन्तर आफ्नो दुध खुवाएको र बच्चा निदाएपछि आमा र बच्चालाई आफ्नै सिटमा पूर्याएको उल्लेख गरेकी छिन् ।
आर्गानोले सुरुमा आफ्नो बच्चालाई दुध खुवाउन छुटाउन खोजेको तर बच्चालाई पुग्ने दुध आईरहेको र उनको श्रीमानको प्रेरणाले पनि उनले आफ्नो बच्चालाई निरन्तर स्थनपान गराईरहेको जनाईन् ।
उनको यो कार्यको सबैतिरबाट सकारात्कम प्रतिक्रिया आइरहेको छ । धेरैले उनको फेसबुकमा ‘सुइट’ तथा ‘एन्जल’ भनेर कमेन्ट लेखेका छन् ।
याहु लाईफस्टाइलका अनुशार अर्गानोको यस अदितीय कार्यले गर्दा कम्पनीले उनलाई क्याविन क्रु इभ्यालुएटरमा प्रमोट गररे पूरस्कृत गरेको छ ।
