अशोक लेलैण्ड बसहरूको च्यासिस हस्तान्तरण

आइएमई ग्रुप अन्तर्गत संचालित आइएमई मोटर्स प्रालिद्धारा प्रवद्र्धित अशोक लेलैण्डले काठमाडौंमा एक कार्यक्रम गरी भाइकिङ २२२ मोडल बसका ग्राहकहरुलार्ई च्यासिसहरु हस्तान्तरण गरेको छ । अशोक लेलैण्डका इन्टरनेश्नल अपरेशन प्रेसिडेन्ट संजय सारस्वत र सार्क राष्ट्रका रिजनल म्यानेजर तन्मय मित्रबाट संयूक्त रूपमा उक्त च्यासिसहरू हस्तान्तरण गरिएको हो ।

च्यासिस हस्तान्तरण कार्यक्रममा संक्षिप्त मन्तब्य दिँदै प्रेसिडेन्ट संजय सारस्वतले १० वटा बस एकैसाथ हस्तान्तरण गर्न पाउँदा ज्यादै खुशी लागेको बताउँदै आफ्ना ग्राहकहरुसँग प्रत्यक्ष अन्तरक्रिया गर्न पाउनु कम्पनीका लागि अर्को महत्त्वपूर्ण प्रगती भएको गरेका थिए । नेपालमा भाइकिङ २२२ को बजारलाई अझै बिकास गर्दै आक्रमक बनाउन सहयोग गर्नु भएकोमा ग्राहकहरुलाई प्रेसिडेन्ट संजयले धन्यवाद दिएका छन् । साथै आगामी दिनहरुमा भाइकिङ २२२ लाई अझै बढी प्रवद्र्घन गरी सहयोग गरिदिनुहुन प्रेसिडेन्ट संजयले अनुरोध गरे ।

भाइकिङ २२२ रुट बसमा चल्ने बस मध्ये सबैभन्दा धेरै रुचाईएको बस हो । यसमा इनलाईन फ्युल पम्प हुनुका साथै एच सिरिज इन्जिन रहेको छ जस्ले गर्दा इन्धन कम खपत हुन्छ । साथै सबैभन्दा कम मर्मत खर्च लाग्छ । भाइकिङ २२२ मा ओभर ड्राईभ गियर बक्सले काम गर्ने भएको हुँुदा १८० एचपी इन्जिनको साथमा द्रुत गतिको आरामदायी यात्रा गर्न सकिन्छ । रियर एअर सस्पेन्शन, डाईरेक्ट ड्राइभ एसी, इनलाईन फ्युल पम्प साथै धेरै माइलेजले गर्दा यो गाडी अरु गाडीभन्दा फरक र बिश्वासिलो रहेको छ ।

नेपालमा हरेक लामो दुरी रुटमा भाइकिङ मोडलका गाडीहरु चल्दै आएका छन् । कम्पनीले ग्राहक वर्गहरुलाई बिशेष सर्भिस पनि दिदै आएको छ । आफ्ना १३ ओटा सर्भिस नेटवर्कबाट सर्भिस लिन सकिने हुँुदा सजिलै पार्टस र सर्भिस पाउन सकिने कम्पनीले जनाएको छ ।


Back_to_top