यी कम्पनीले सिन्डिकेट बिरुद्ध सरकारलाई साथ दिए, कुन रुटमा कुन गाडी चल्दै (सूचिसहित)

काठमाडौं । सरकारले गएको चैतमा ल्याएको यातायात व्यवस्थापन कार्यविधि निर्देशिका खारेजीको माग गर्दै आन्दोलनमा उत्रिएका यातायात व्यवसायीले आज देशभर सवारीसाधन ठप्प पारेका छन् । 

यातायात व्यवसायीले सवारी नचलाउँदा लामो तथा छोटो दुरीका यात्रुहरु बिचल्लीमा परेका छन् । सरकार आफूसँग यातायातको साधन नहुँदा व्यवसायीको मनोमानी रहँदै आएको थियो, जुन आज सडकमा असरल्लै देखिन्थ्यो । 

यातायात व्यवसायीले चालेको कदम प्रति सरकारले के एक्सन लिन्छ त्यसले पनि अबको व्यवसायीको आन्दोलन निर्भर रहन्छ । नेपाल यातायात व्यवसायी राष्ट्रिय महासंगले आज (बैशाख २१ गते) एक दिन आफ्ना सवारी साधन घर÷ग्यारेजमा राख्ने र त्यसो गर्दा पनि सरकारले आफूहरुले राखेका माग पूरा नगरे बैशाख २७ गतेदेखि अनिश्चित कालसम्म सवारी साधन संचालन नगर्ने बताएका छन् । 

आन्दोलनरत यातायात व्यवसायी महासंघसंगको छलफलमा भौतिक पूर्वाधार तथा यातायात मन्त्रीले आन्दोलन स्थगित नगरि सेवा बन्द गरे सरकारले सबै खाले कारबाही प्रकृया अघि बढाउने बताएका छन् । बिहीबार साँझा व्यवसायी र सरकारबीच भएको छलफलमा मन्त्री महासेठले यस्तो बताएका हुन् । 

व्यवसायी र मन्त्रीबीच हिजो भएको छलफलमा मन्त्रीले व्यवसायीलाई कम्पनीमा जाने र सिन्डिकेट अन्त्य गर्ने बाहेकका कुरा गर्न तयार रहेको बताएको सहभागी एक अधिकारीले भने । “मन्त्रीज्यूले कम्पनीमा जाने र सिन्डिकेट अन्त्य गर्ने कुरा हो भने तपाईहरुसंग कुरा हुन सक्दैन भन्नु भयो,” ती अधिकारीले भने, “त्यसपछि व्यवसायीले अन्य कुरामा छलफल गरेको र आफूहरु महासंघ पदाधिकारीसंग छलफल गरेर निर्णय दिने भनेका थिए ।” आन्दोलन स्थगित नगरे सरकारले कानुन अनुसार कदम चाल्ने भनेपछि व्यवसायीहरु हच्किएको उनको भनाइ छ ।  

सिन्डिकेट कायाम राख्न पाउनु पर्ने माग गर्दैै यातायात सेवा नै बन्द गर्ने नेपाल यातायात व्यवसायी राष्ट्रिय महासंघको बन्द विरुद्ध प्रालिमा दर्ता भएका व्यवसायीहले सरकारलाई साथ दिने बताएका छन् । बिहीबार यातायात व्यवस्था विभागमा भएको छलफलमा उनीहरुले सुरक्षाको प्रत्याभुत भए सेवा संचालन गर्न तयार रहेको बताएका हुन् । 

अत्यावश्यक सेवा बन्द गरे सरकारले जफत गरेर संचालन गर्न सक्ने तथा बन्द गर्नेलाई कारबाही गर्ने व्यवस्था राजपत्रमा सूचना प्रकाशित गरि सकको छ । 

“सरकारले गरेको व्यवस्था अनुसार सेवा बन्द गर्नेलाई कारबाही गरि सेवा प्रवहाका लागि आवश्यक तयारी भइरहेको छ,” यातायात व्यवस्था विभागका महानिर्देशक रुपनारायण भट्टराइले भने, “त्यसरी बन्द गर्ने सवारीको रुट पर्मिट खारेज समेत गरिनेछ ।” 

सरकारले आज व्यवसायीले गरेको आन्दोलनमा एक्सन लिन्छ वा लिँदैन केही बेरमै थाहा हुने छ । अहिले पनि सरकार पछि हट्यो र व्यवसायीले भने अनुसार नै अघि बढ्यो भने यो मुलुकमा यातायात क्षेत्रमा व्यवसायीको राज चलिनै रहन्छ र जनताले सिन्डिकेटको सास्ती खेपिनै रहनु पर्छ । 

सरकारलाइ साथ दिने ङाेषणा गरेका ब्यवसायीक फर्महरू